Türkmənistan, Aşqabad, 04 fevral/ Trend , müxbir E.Həsənov/ İslam İnkişaf Bankının (İİB) aparıcı bölmələrindən birinin müdiri, özəl sektorun inkişafı üzrə İslam Korporasiyasının rəhbəri Xalid Məhəmməd Əl-Əbud Türkmənistanda özəl sektorun artım tempini müzakirə edir.
Türkmənistan 2001-ci ildən İslam Korporasiyasının tərkibindədir. Bu maliyyə institutu İİB-yə daxil olan dövlətlərdə borc və qrant ayırma vasitəsilə özəl sahibkarlığa dəstək məqsədi ilə yaradılıb.
Türkmənistan mətbuatının verdiyi məlumata görə, Əl-Əbud Türkmənistanın Mərkəzi və Xarici İqtisadiyyat Banklarında danışıqlar aparıb. İslam Korporasiyasının nümayəndələri dövlət siyasəti prioritetləri kontekstində bundan sonra tərəfdaşlığın genişləndirilməsində maraqlı olduqlarını ifadə ediblər.
Türkmənistanın inkişaf planına əsasən, ÜDM-də özəl sektorun payı artıq yaxın illərdə 70 faizədək artacaq.
2009-cu ilin iyununda Aşqabadda İİB-nin İdarəçilər Şurasının sammiti keçiriləcək.
Məqalə müəllifi ilə əlaqə ünvanı - [email protected]