Azərbaycan, Bakı, 02 may / Trend , müxbir N.İsmayılova /
"2009-cu il aprelin 1-nə olan vəziyyətə görə, Azərbaycanın xarici borcları 2 916,8 milyon dollara çatıb ki, bu da ÜDM-in 5,3 faizi deməkdir", - şənbə günü ölkənin Maliyyə Nazirliyindən deyilib. Ötən ilin analoji dövrü ilə müqayisədə xarici borcların həcmi 12,34 faiz artıb.
Adambaşına düşən xarici borc 333,2 dollar təşkil edir.
Birinci rübdə 86,6 milyon dollar kredit istifadə olunub. Xarici borca xidmətin həcmi 48,1 milyon dollar olub. Bunun 33,6 milyon dolları əsas borc, 14,6 milyon dolları faizlərdir. Büdcə vəsaitləri hesabına borcların ödənilməsinə 19,4 milyon dollar yönəldilib.
Xarici borcun strukturunda 11,2 faiz (325,8 milyon dollar) iqtisadi islahatlara yönəldilmiş kreditlərin payıdır. Onlardan 70,2 milyon dollar (2,4 faiz) BVF-dən, 255,7 milyon dollar (8,8 faiz) DB-dən alınıb.
Kreditlərin böyük hissəsi sərmayə layihələrinin maliyyələşdirilməsinə yönəldilib - 2 591 milyon dollar (88,8 faiz). Bununla yanaşı, bu vəsaitlərin 38,9 faizi (1135,4 milyon dollar) enerji sektoruna, 7,8 faizi (227,6 milyon dollar) kənd təsərrüfatı və meliorasiya, 23,2 faizi (676,9 milyon dollar) yol tikintisi və nəqliyyat, 0,6 faizi (18,5 milyon dollar) kimya sənayesi, 5,8 faizi (169,5 milyon dollar) neft-qaz sektoruna, 7,6 faizi (221,3 milyon dollar) sosial sahələrə yönəldilib.
Mayın 02-nə olan rəsmi məzənnə 0,8035 AZN/USD təşkil edir.
Məqalə müəllifi ilə əlaqə ünvanı: [email protected]
