Qazaxıstan, Astana, 22 may / Trend , müxbir K.Arınova /
"Rusiyanın ÜTT-yə daxil olmaq məqsədi hələ də ölkə üçün prioritet və vacib olaraq qalır", - cümə günü Astanada MDB ölkələrinin hökumət başçıları şurasının növbəti iclasında Rusiyanın Baş nazirinin müavini İqor Şuvalov deyib.
"Biz ÜTT üzrə tərəfdaşlarımızla işləyirik və nümayəndə heyətimiz daim Cenevrədədir. Bununla yanaşı, biz heç bir planlarımızdan imtina etmirik və əvvəllər verdiyimiz açıqlamaları prioritet iş kimi qiymətləndiririk", - Şuvalov bildirib.
Onun sözlərinə görə, kənd təsərrüfatı, əqli mülkiyyət üzrə bəzi həll olunmamış məsələlər qalıb. "Biz onların həll olunması üçün hər şeyi edəcəyik və bütün prosedur məsələləri başa çatdıracağıq", - Şuvalov qeyd edib. "Müvafiq işçi qrupun ilin sonunda məruzəsi gözlənilir", - o əlavə edib.
Şuvalovun sözlərinə görə, Rusiya ÜTT və Gömrük İttifaqının bir-birinə alternativ kimi gözdən keçirilməsini istəmir. "Bizim ÜTT-yə daxil olmaq üzrə ayrı, vahid Gömrük İttifaqının yaradılması üzrə ayrı yol xəritəmiz var", - Şuvalov bildirib.
Məqalə müəllifi ilə əlaqə ünvanı: [email protected]