Qazaxıstan, Astana, 04 iyun / Trend , müxbir K.Korınova /
Sentyabrda Bakıda hasilat sənayesində şəffalıq təşəbbüsü (EITI) üzrə beynəlxalq konfrans keçirilməsi planlaşdırılır. Bu barədə Trend -ın Qazaxıstandakı müxbirinə Astanada yerləşən EITI Beynəlxalq Katibliyinin üzvü İnqilab Əhmədov "Qazaxıstanın sənaye sahələrində şəffalıq təşəbbüsü" üzrə ikinci milli konfrans çərçivəsində bildirib.
"Azərbaycan - bu təşəbbüsə qoşulan və onun standartlarına cavab verə bilən birinci ölkədir. Lakin biz hazırkı nailiyyətin üzərində dayanmaq niyyətində deyilik, EITI-nin yeni istiqamətinlərini inkişaf etdirəcəyik", - deyə Əhmədov bildirib.
Onun sözlərinə əsasən, eyni zamanda söhbət Azərbaycanın təcrübəsini digər dövlətlərlə bölüşdürməkdən gedir.
"Sentyabrda Bakıda EITI üzrə beynəlxalq konfrans keçirilməsi planlaşdırılır. Bu konfransda bizim təcrübəmizi öyrənmək istədiklərini bəyan edən ölkələr iştirak edəcək. Məlum olduğu kimi, hazırda 130 ölkə şəffaflıq təşəbbüsünə qoşulmağı planlaşdırır", - deyə Əhmədov bildirib.
Azərbaycan EITI-yə 2003-cü ildə qoşulub, 2004-cü ildə isə onun reallaşdırılmasına başlayıb. Bu dövr ərzində təşəbbüsə respublikada fəaliyyət göstərən bütün neft hasilatı şirkətləri cəlb olunub.
"Bizdə "göyərtədə" heç kəs qalmayıb. Qazaxıstanda EITI-yə qoşulan şirkətlərin gəlirləri üzrə tam hesabat verməməsi barədə söhbət cəfəngiyatdır. Burada söhbət demək olar ki, MBM-dən (məhsul bölgüsü barədə müqavilə) getmir. EITI üzrə bütün hesabatlar xüsusiləşdirilib və onlar şirkətin ticarət maraqlarına toxunmur", - deyə o bildirib.
