Azərbaycan, Bakı, 15 iyul / Trend , müxbir N.İsmayılova /
Böyük Britaniya Azərbaycanda investisiyanın həcminə görə liderlik mövqeyini qoruyur. İlk yarımildə ölkədə xarici investisiyanın ümumi həcmi 45,8 faiz təşkil edib. Bu barədə çərşənbə axşamı Dövlət Statistika Komitəsindən məlumat verilib. Böyük Britaniyanın investisiyası 271,98 milyon manat təşkil edib.
Hesabat dövrü ərzində xarici ölkələr və beynəlxalq təşkilatların Azərbaycan iqtisadiyyatına yatırdığı 88,8 faiz (527,5 milyon manat) investisiya Böyük Britaniya, ABŞ, Yaponiya, Norveç, Fransa və Türkiyə sərmayədarlarının payına düşüb.
ABŞ investisiyası 123,04 milyon manat (xüsusi çəkinin 20,7 faizi), Yaponiya 50,3 milyon manat (8,5 faiz), Türkiyə 24,98 milyon manat (4,2 faiz), Norveç 31,4 milyon manat (5,3 faiz), Fransa 25,8 milyon manat (4,3 faiz), Avstriya 553 min manat (0,1 faiz), İsveç 494,8 min manat (0,1 faiz), Çexiya 6,59 milyon manat (1,1 faiz), Cənubi Koreya 1,54 milyon manat (0,3 faiz), İtaliya 321,6 min manat, Almaniya 0,5 min manat, Qazaxıstan investisiyası isə 514,6 min manat (0,1 faiz) təşkil edib.
Beynəlxalq maliyyə institutlarından ən böyük həcmdə investisiyanı Dünya Bankı yatırıb - 31,6 milyon manat (xalis çəkinin 5,3 faizi). Asiya İnkişaf Bankı Azərbaycanda layihələrin həyata keçirilməsinə yarım il ərzində 11,3 milyon manat (1,9 faiz), İslam İnkişaf Bankı 1,52 milyon manat (0,3 faiz), Küveyt İqtisadi İnkişaf Fondu isə 1,38 milyon manat (0,2 faiz) yönəldib.
İyulun 15-nə olan məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]
