Azərbaycan, Bakı, 30 iyul / Trend , müxbir Ü.ismayılova /
Standartlaşdırma, Metrologiya və Patent üzrə Dövlət Komitəsi duz istehsal edən müəssisələrdə, həmçinin ölkənin istehlak bazarında satılan duzun keyfiyyəti üzrə monitorinqlər aparıb, bu barədə idarənin cümə günü yayılmış məlumatında deyilir.
Monitorinqlərin yekunlarına əsasən, Abşeron rayonunun Saray qəsəbəsində yodlaşdırılmış duz istehsal edən obyektlərdən birində istehsal notmativ sənədlərin tələblərinə cavab vermir. Komitə bu təsərrüfat subyektində duz istehsalına qadağa qoyub.
Sumqayıt şəhərinin bəzi mağazalarında istehlak bazarında xarici istehsallı saxta duzun satışı faktları aşkarlanıb. Duzun keyfiyyət sertifikatının olmaması ilə əlaqədar olaraq onun satışına qadağa qoyulub, ticarət məntəqələrinin rəhbərlərinə xəbərdarlıq edilib.
Monitorinqlər zamanı Sumqayıt şəhərinin bir sıra mağazalarında müvafiq tələblərə cavab verməyən aşağıdakı duz markaları aşkar edilib: "Artyomsol" (Ukrayna istehsalı), "Yodlaşdırılmış xörək duzu", "Ekstra-yodlaşdırılmış duz", "Salt-Extra", "Xan", "Marabelle Sea Salt".
Bütün hallarda istifadəyə yararsız məhsullar satışdan çıxarılıb.
Məqalə müəllifi ilə əlaqə ünvanı: [email protected]
