Azərbaycan, Bakı, 04 avqust / Trend , müxbir E.ismayılov /
Bakı-Buzovna-Mərdəkan istiqamətində şəhərətrafı elektrik qatarları reyslərinin sayının azalması onların müasir tələblərə cavab verməməsi ilə əlaqədardır, bu barədə çərşənbə axşamı "Azərbaycan Dəmir Yolu" QSC-nin Sərnişin Daşıma İstehsalat Birliyinin başçısı Əliyar Muradov bildirib.
"Əvvəllər bi istiqamətdə dörd qatar hərəkət edirdi, sonra onların sayı üçə endirildi, hazırda isə bu istiqamətdə yalnız bir qatar hərəkət edir", - deyə Muradov bildirib.
Muradovun da qeyd etdiyi kimi, elektrik qatarların sayının azalması onların müasir tələblərə cavab verməməsi ilə əlaqədardır, bu kimi qatarlar və onların detalları çoxdandır ki, istehsal olunmur. "Bu halda ən vacib məsələ sərnişin daşımasında təhülkəsizliyin təmin edilməsidir", - Muradov əlavə edib.
Reysin nə vaxt ləğv ediləcəyinə sualına Muradov, bu məsələ səlahiyyətində olmadığı üçün cavab verməyib, lakin bu reysin ləğv edilməsi imkanını da istisna etməyib.
Elektrik qatarlarının Bakı-Mahaçkala, Bakı-Sumqayıt, Bakı-Pirallahı, Bakı-Qala kimi digər istiqamətlərdə hərəkət qrafikində heç bir problem müşahidə edilmir.
Məqalə müəllifi ilə əlaqə ünvanı: [email protected]
