Azərbaycan, Bakı, 19 avqust / Trend , müxbir Ü. İsmayılova /
Azərbaycanın iri sığorta şirkətlərindən olan Atəşgah Sığorta (yalnız həyat sığortasi ilə məşğul olan Atəşgah Həyat törəmə şirkəti var) oktyabrda Life-şirkətin fəaliyyətini aktivləşdirmək üçün xüsusi komanda yaratmaq niyyətindədir. Bunu çərşənbə günü Atəşgah Sığorta-nın İdarə Heyətinin sədri Azər Əliyev deyib.
"Yaradılan qrup həyat sığortası barədə ayrıca təsəvvür yaratmaq və insan resurslarını cəlb etmək məqsədilə şirkətin fəaliyyətini aktivləşdirmək üçün tədbirlər hazırlayacaq. Bu biznesin inkişafı bunlardan asılı olacaq", - Əliyev deyib.
Onun sözlərinə görə, hazırda şirkət əvvəllər Atəşgah Sığorta şirkətinin bağladığı Non-life sığorta müqavilələri əsasında fəaliyyət göstərir.
Atesgah Heyat bu gün ölkədə yalnız həyat sığortası ilə məşğul olan yeganə şirkətdir. O, cari ilin yanvarında Atesgah Sigorta və Qafqaz Sigorta şirkətlərinin life və Non-life portfellərinin mübadiləsi hesabına yaradılıb.
Şirkətin nizamnamə kapitalı bir milyon manatdır. İlin birinci yarısının yekununa görə, şirkətin yığımı ödəmələrsiz 0,1 milyon manat olub.
Həyat sığortası üzrə ayrıca şirkətin yaradılması 2008-ci ilin martında qəbul olunmuş "Sığorta fəaliyyəti haqqında" qanunda nəzərdə tutulub.
Azərbaycanda həyat sığortasının payı bazarda 1 faizdən azdır. Bu da Azərbaycanda sığorta təbliğatının zəif inkişafı ilə əhalinin Non-life sığorta növlərinə üstünlük verməsi ilə bağlıdır.
Atəşgah Sığorta şirkəti 1996-cı ildə yaradılıb. Şirkətin səhmdarları I.S.R. Holding Ltd (49 faiz səhm), ARDNŞ (30 faiz) və RAN-Eksim şirkətidir (21 faiz). İlin birinci yarısının yekununa görə, şirkətin sığorta pulu 2,19 milyon manatlıq ödəmələrlə 6,86 milyon manat təşkil edib.
Avqustun 19-na olan rəsmi məzənnə 0,804 AZN/USD təşkil edir.
Məqalə müəllifi ilə əlaqə ünvanı: [email protected]
