Azərbaycan, Bakı, 2 aprel /Trend, müxbir N.İsmayılova/
Azərbaycanda Vergilər Nazirliyinin "bir pəncərə" sistemi vasitəsilə mart ayında ABŞ-ın "Cool Zone Caspian" şirkətinin filialı qeydiyatdan keçib. Bu barədə ölkənin Vergilər Nazirliyinin rəsmi saytının "bir pəncərə" bölməsində deyilir.
Təsisçi ABŞ-ın "Cool Zone Holdings Inc" şirkətidir. "Cool Zone Caspian" 2010-cu il martın 1-də kommersiya fəaliyyəti üzrə dövlət qeydiyyatından keçib. Şirkətin sədri Gürcüstan vətəndaşı Fadi Aslidir. Şirkətin nizamnamə kapitalı 2000 dollar təşkil edir.
"Cool Zone" şirkəti istilik və soyutma sistemlərinin quraşdırılması və xidmət göstərilməsi ilə məşğul olur. Şirkətin bu bazarda 30 illik iş təcrübəsi var.
