Gürcüstan, Tbilisi, 11 avqust /Trend, müxbir N.Kirsxaliya/
Bu günədək Acarıstanda 514 815 turist qeydə alınıb ki, bu da ötən ilin avqustun 8-nə olan vəziyyətə nisbətdə 150 faiz çoxdur, 2008-ci illə müqayisədə isə bu rəqəm 240,3 faiz artıb.
Acarıstanın Turizm Departamentinin məlumatına görə, 2009-cu ildə adıçəkilən müddət ərzində muxtar respublikaya cəmi 207 699, 2008-ci ildə isə 151 264 turist gəlib.
Departamentin məlumatına görə, cari ildə Acarıstana gələn əcnəbi turistlərin sayı 159 843 nəfər təşkil edib ki, bu da ötən ilin müvafiq göstəricisindən 158 faiz, 2008-ci ilin göstəricisindən isə 220 faiz çoxdur.
Cari ildə Acarıstana gələn Azərbaycan vətəndaşlarının sayı 21 653 nəfər təşkil edib ki, bu da bütün turist axınının 14 faizini təşkil edir.