Azərbaycan, Bakı, 18 avqust /Trend, müxbir N.İsmayılova/
Rusiya Azərbaycana taxta-şalban və ağac materiallarının tədarükünün həcmini əvvəlki illər səviyyəsində saxlamağa ümid edir. Bu barədə çərşənbə günü mətbuat konfransında Rusiyanın Azərbaycandakı ticarət nümayəndəsi Yuri Şedrin deyib.
"Rusiyada taxılın ixracına tətbiq edilən qadağadan sonra biz ümid edirik ki, ölkədə oxşar tədbirlər taxta-şalban və ağac materiallarına tətbiq edilməyəcək", - Şedrin bildirib.
Onun sözlərinə görə, yaranan problemlərə baxmayaraq, Rusiya Azərbaycana taxta-şalban və ağac materiallarının tədarükü üzrə liderlik mövqeyini qorumağa ümid edir.
Rusiyanın ən sıx məskunlaşmış Avropa hissəsində baş vermiş anamol isti, meşə və torf yanğınları ölkə hökumətini taxta-şalban və ağac materiallarının ixracının məhdudlaşdırılması mümkünlüyü məsələsini nəzərdən keçirməyə məcbur edib.
