Azərbaycan, Bakı, 8 sentyabr /Trend, müxbir N.İsmayılova/
Azərbaycan Mikromaliyyə Assosiasiyası (AMFA) öz üzvlərinin sayının fəal artırılması siyasətinin aparılmasına istiqamətlənməyib. Bu barədə çərşənbə günü AMFA-nın icraçı direktoru Jalə Hacıyeva deyib.
"Bu günə Assosiasiyanın ölkənin mikrokreditlər verən əksər mikromaliyyə təşkilatları, bank olmayan kredit təşkilatları və banklarının aid olduğu 29 üzvü var", - Hacıyeva bildirib.
Onun sözlərinə görə, AMFA lisenziyalaşdırmanın yeni qaydaları qüvvəyə mindikdən sonra ölkədə fəaliyyət göstərən bank olmayan kredit təşkilatlarının sayının artacağını gözləyir ki, bu da assosiasiyanın üzvlərinin sayına təsir edəcək. Belə ki, kredit təşkilatları assosiasiyanın sıralarına daxil olmaqda maraqlıdırlar.
"İndi bəzi bank olmayan kredit təşkilatları qeydiyyat prosesi mərhələsindədir və bu proses lisenziyalaşdırmanın yeni qaydalarının indiyədək qüvvəyə minməməsi səbəbindən bir qədər yubanır. Bu mexanizm işə düşən kimi, biz ölkədə fəaliyyət göstərən bank olmayan kredit təşkilatlarının sayının artacağını gözləyirik", - Hacıyeva qeyd edib.
Qaydaların layihəsinə əsasən, kredit verərkən girov qəbul etmək hüququna malik bank olmayan kredit təşkilatlarının nizamnamə kapitalına minimal tələb 300 min manat, kredit təşkilatları üçün bu hüquq olmadan 30 min manat səviyyəsində müəyyən edilib.
Kredit verərkən girov qəbul etmək hüququna malik olmanayn bank kredit təşkilatlarının qanunun ilkin variantında [ölkə parlamentində gedən müzakirələr zamanı] nizamnamə kapitalı 75 min manat məbləğində, bu hüquq olmadan kredit təşkilatları üçün 25 min manat səviyyəsində müəyyənləşib. Lakin ilkin oxunuşdan sonra bu limitlər bu məsələlərin Mərkəzi Bank tərəfindən nizamlanması hüququnun saxlanılması ilə sənəddən çıxarılıb. "Bank olmayan kredit təşkilatları haqqında" qanun Azərbaycanın Milli Məclisi tərərfindən ötən ilin dekabrında qəbul olunub və artıq qüvvəyə minib.
Hazırda kredit təşkialtları üçün nizamnamə kapitalı dörd min manat səviyyəsində müəyyənləşib.
May ayına olan məlumata görə, AMFA üzvlərinin aktivlərinin ümumi həcmi 3,66 milyard dollar, təşkilatların kredit portfelinin ümumi həcmi isə 2,13 milyard dollar təşkil edib. Mikrokredit portfelinin həcmi 463,37 milyon dollar səviyyəsində olub.
Hazırda Azərbaycanda mikromaliyyə fəaliyyəti ilə 31 təşkilat, o cümlədən "Aqrar-kredit" dövlət bank olmayan kredit təşkilatı və mikromaliyyə ilə məşğul olan banklar fəaliyyət göstərir. 2009-cu ildə bank olmayan kredit təşkilatlarının ümumi aktivləri 30,9 faiz artaraq 183,8 milyon manat təşkil edib.
Bank olmayan kredit təşkilatlarının kredit qoyuluşlarının ümumi həcmi 28,5 faiz artaraq 153,4 milyon manat təşkil edib.
Hazırda mikromaliyyə təşkilatları respublikanın 61 rayonunda fəaliyyət göstərir və 160 mindən çox aktiv müştəriyə xidmət edir.
Sentyabrın 8-nə olan rəsmi məzənnə 0,8038 AZN/USD təşkil edir.
