Azərbaycan, Bakı, 2 oktyabr /Trend, müxbir N.İsmayılova/
Avqustda Azərbaycan banklarının depozit bazası 4,3 faiz, 2009-cu ilin avqustuna nisbətdə isə 6,4 faiz artıb. Bu barədə Azərbaycan Mərkəzi Bankının (AMB) məlumatında deyilir.
Mərkəzi Bankın məlumatına görə, avqustunda sonuna bank depozitlərinin, hüquqi və fiziki şəxslərin əmanətlərinin ümumi həcmi 4589,4 milyon manat təşkil edib. Bu göstərici iyulun sonunda 4401,4 milyon manat, 2009-cu il sentyabrın əvvəlində isə 4314,6 milyon manat olub. Bu həcmdən 2029,4 milyon manat manat vəsaitlərinin, 2560 milyon manat valyutanın payına düşüb.
Avqustda fiziki şəxslərin əmanət qoyuluşları 0,2 faiz, hüquqi şəxslərin depozitlərinin həcmi isə 10,9 faiz artıb. 2009-cu ilin avqustuna nisbətdə fərdi müştərilərin depozitləri 34,3 faiz, korporativ müştərilərin depozitləri isə 18,4 faiz artıb.
Avqustun sonuna fiziki şəxslərin ölkə banklarında əmanətlərinin həcmi 2720,8 milyon manat təşkil edib. Bu göstərici iyulun sonunda 2716,3 milyon manat, 2009-cu il sentyabrın 1-nə isə 2025,6 milyon manat olub.
Avqustun sonuna hüquqi şəxslərin depozitlərinin həcmi 1868,6 milyon manat təşkil edib. Bu göstərici iyulun sonunda 1685,1 milyon manat, 2009-cu il sentyabrın 1-nə isə 2289 milyon manat olub.
Oktyabrın 2-nə olan rəsmi məzənnə 0,8026 AZN/USD təşkil edir.