Azərbaycan, Bakı, 1 noyabr /Trend, müxbir Ə.Yusifzadə/
İranda cari ilin birinci yarısında (ölkədə il martın 21-dən başlayır) ötən ilin analoji dövrü ilə müqayisədə ərzaq buğdasının idxalı 5,4 dəfə azalaraq 163 milyon dollar təşkil edib. Məlumatı IRIB agentliyi yayıb.
İlin altı ayı ərzində İran 163 milyon dollar məbləğində 724 min ton buğda idxal edib. Ötən ilin analoji dövründə İİR 876 milyon dollar həcmində 3,448 milyon ton buğda idxal edib. Müvafiq olaraq, idxalın həcmi 4,8 dəfə azalıb.
Bu il İranda buğdanın bərk növü idxal olunmayıb, yazlıq buğda idxalı ötənilki 875 milyon dollardan bu il 163 milyon dollara enərək 5,4 dəfə azalıb.
Mal-qara üçün yem kimi nəzərdə tutulan buğda idxalı ötənilki 24 milyon dollardan bu il 20 milyon dollaradək azalıb. Həcmdə azalma 14 faiz, qiymətdə azalma isə təxminən 17 faiz təşkil edir.
İranın Ticarət Nazirliyi ərzaq təhlükəsizliyinə nail olmaq üçün 11,2 milyon tondan artıq buğda almaq niyyətindədir.
