Azərbaycan, Bakı, 13 yanvar /Trend, müxbir N.İsmayılova/
Ötən ilin dördüncü rübü ərzində Azərbaycan bankı "DekaBank"ın aktivləri 1,4 faiz artaraq 36,376 milyon manat təşkil edib. Bu barədə bankın cümə axşamı yaydığı məlumatda deyilir.
2010-cu ilin dördüncü rübünün yekunlarına görə, "DekaBank"ın kredit portfeli 7,1 faiz artaraq 25,47 milyon manata çatıb. Göstərilən dövr ərzində bankın öhdəlikləri 4,8 faiz artaraq 19,33 milyon manatı ötüb.
Ötən ilin son üç ayı ərzində depozitlər 6,8 faiz artaraq 10,573 milyon manat olub. 2010-cu ilin sonuna bankın xalis gəliri 1,644 milyon manat təşkil edib.
"DekaBank" Azərbaycanda birinci özəl bankdır və 1989-cu ildə təsis edilib. Bankın filial şəbəkəsinə Bakıda və ölkənin regionlarında altı filial daxildir.