Azərbaycan, Bakı, 20 sentyabr /Trend, müxbir N.İsmayılova/
2011-ci ilin birinci yarısında Azərbaycan iqtisadiyyatına cəlb olunmuş xarici kapitalın ümumi həcmi dörd milyard dollar təşkil edərək ötən ilin analoji dövrü ilə müqayisədə 6,2 faiz artıb. Bu barədə Azərbaycan Mərkəzi Bankının (AMB) saytında çərşənbə axşamı dərc olunmuş ödəniş balansında deyilir.
Azərbaycan iqtisadiyyatına birbaşa formada cəlb olunmuş xarici kapitalın ümumi həcmi iki milyard dollar təşkil edir ki, burada vəsaitlərin 79,1 faizi neft-qaz sektorunun payına düşür. Həmin investisiyalardan Azərbaycan ərazilərində BP Exploration Ltd ("Şahdəniz") və ABƏŞ-in "Azəri-Çıraq -Günəşli" yataqları üzrə neft-qaz layihəsi çərçivəsində görülən işlərin maliyyələşdirilməsi məqsədilə istifadə olunub.
AMB-nin qiymətləndirmələrinə görə, qeyr-neft sektoruna cəlb edilən birbaşa investisiyaların həcmi 417,1 milyon dollar təşkil edir ki, bu da ölkəyə cəlb olunmuş birbaşa investisiyaların ümumi həcminin 20,9 faizini təşkil edir.