...

Fransanın vilayəti şərabçılıq sahəsində Azərbaycanla əməkdaşlıqda maraqlıdır

Biznes və iqtisadiyyat xəbərləri Materials 3 Noyabr 2011 11:49 (UTC +04:00)

Azərbaycan, Bakı, 3 noyabr /Trend, müxbir S.Ağayeva /

Fransanın Burqundiya vilayəti şərabçılıq sahəsində Azərbaycanla əməkdaşlıqda maraqlıdır. Bu sahədə Azərbaycanın regionları ilə əməkdaşlığın imkanlarının öyrənilməsi məqsədilə Burqundiyanın Yonna regionu Ali Şurasının prezidenti, senator Andre Vilyenin rəhbərlik etdiyi nümayəndə heyəti noyabrın 18-22-də Azərbaycana səfər edəcək. Bu barədə cümə axşamı Trend-ə Azərbaycanın Fransadakı səfiri Elçin Əmirbəyov deyib.

Səfər çərçivəsində nümayəndə heyəti Gəncəyə, Şəmkirə və Göygölə səfər edəcək və burada həmin rayonların icra hakimiyyətlərinin rəhbərləri ilə görüşəcək, şərabçılıq zavodlarında olacaqlar.

Nümayəndə heyətinin səfəri zamanı Azərbaycanın Kənd Təsərrüfatı və İqtisadi İnkişaf nazirliklərində, Azərbaycanın Dövlət Aqrar Universitetində görüşlər planlaşdırılır. Görüşlər zamanı Burqundiya ilə Azərbaycanın regionları arasında aqrar sektorda, o cümlədən şərabçılıq, heyvandarlıq sahələrində əməkdaşlıq məsələləri müzakirə olunacaq, təhsil və elm sahələrində əməkdaşlıq imkanlarına baxılacaq.

Xəbər lenti

Xəbər lenti