...

Azərbaycanın pərakəndə ticarət bazarı investorlar üçün cəlbedicidir

Biznes və iqtisadiyyat xəbərləri Materials 11 Noyabr 2011 12:01 (UTC +04:00)

Trend-i buradan izləyin

Azərbaycan, Bakı, 11 noyabr / Trend, müxbir А.Axundov/

Azərbaycanın pərakəndə ticarət bazarı həm yerli, həm də xarici investorlar üçün maraqlıdır. Azərbaycanın "Səbət" ticarət şəbəkəsi layihəsinin rəhbəri Andrey Kalmıkov belə hesab edir.

"Bu bazar peşəkar riteyl yolunun yalnız başlanğıcındadır və böyük alıcı potensialına malikdir. Bunların hamısı Azərbaycanın pərakəndə ticarət bazarının böyük potensiala malik və investorlar üçün cəlbedici olmasından xəbər verir", - Kalmıkov jurnalistlərə deyib.

Onun sözlərinə görə Azərbaycanda bu bazarın inkişafına riteyl məktəbinin, habelə bu sahədə menecmentin olmaması, həmçinin xarici kapitalın minimum iştirakı və tədarükçülər şəbəkəsinin kifayət qədər iunkişaf etməməsi mane olur.

"Biz tədarükçüklərin güclü olmasını istərdik. Tədarük həcmləri böyük deyil. Bəzən məhsullar ikihəftəlik aksiyalara çatmır", - Kalmıkov deyib.

Onun sözlərinə görə, ölkədə ərzaq malları və geyim bazarları nisbətən daha çox inkişaf edib.

"Azərbaycan sağlam və dadlı yemək bazarıdır, yəni burada süd, heyvandarlıq məhsullarına və başqalarına tələbat var. Fashion riteyl çox yaxşı inkişaf edib", - Kalmıkov deyib.

Bununla yanaşı, onun sözlərinə görə, ölkədə diskauntlar, iri hipermarketlər, yaxşı formatlı supermarketlər yoxdur.

"İdman geyimləri və inventarlarının, kitab, elektronika mallarının az sayda şəbəkəsi mövcuddur, delikates mağazalar, "Özün et" formatlı mağazalar yoxdur. Ticarət şəbəkələri indi-indi yaradılır. Bakıya "Park Bulvar" kimi 100 min nəfər üçün nəzərdə tutulan 30 belə ticarət mərkəzi lazımdır", - Kalmıkov deyib.

"Səbət" mağazalar şəbəkəsi Azeri-Retail MMC-yə məxsusdur. Azeri Retail MMC 2010-cu ildə təsis olunub. Azeri-Retail MMC-nin təsisçisi Avstriyanın "Azeri Trade Holding GmBH" holdinqidir.

Xəbər lenti

Xəbər lenti