Azərbaycan, Bakı, 15 fevral /Trend, müxbir N. İsmayılova/
Azərbaycan bankı "Royal Bank" "Forex" bazarında əməliyyatlar üçün ölkədə üçüncü platformanın yaradılmasına başlayıb. Bu barədə çərşənbə günü Trend-ə bankdan məlumat veriblər.
"Bu gün platforma hələ aktiv deyil. Hazırda onun yaradılması üzrə texniki işlər aparılır. Bu işlərin bir neçə ay davam edəcəyi gözlənilir", - bankdan deyiblər.
Qeyd edək ki, 2011-ci ildən etibarən ölkənin Mərkəzi Bankının qərarına əsasən, Azərbaycanda "Forex" - birjadankənar beynəlxalq valyuta bazarında əməliyyatlar bank təşkilatları vasitəsilə həyata keçirilir. Hazırda Azərbaycanda belə platformaya "Texnikabank" və "MuğanBank" sahibdir.
