Gürcüstan, Tbilisi, 24 aprel /Trend, müxbir N.Kirsxaliya/
2012-ci ilin yanvar-mart aylarında Gürcüstanın iri ticarət tərəfdaşları Türkiyə, Azərbaycan və Almaniya olub. Bu barədə çərşənbə axşamı Trend-ə Gürcüstan Statistika Komitəsindən bildiriblər.
Hesabat dövründə Gürcüstanın Türkiyə ilə əmtəə dövriyyəsi 324 milyon dollar, Azərbaycan ilə 282 milyon dollar, Almaniya ilə 163 milyon dollar təşkil edib.
Ümumi xarici ticari dövriyyədə Gürcüstanın 10 iri ticarət tərəfdaşının payı 66 faiz təşkil edir.