Azərbaycan, Bakı, 25 aprel /Trend, müxbir A.Axundov/
Azərbaycan Dövlət Gömrük Komitəsi (DGK) Bakıda keçiriləcək "Eurovision 2012" mahnı müsabiqəsi ilə əlaqədar təşkilati işləri başa çatdırıb.
Trend-in məlumatına görə, bu barədə çərşənbə günü jurnalistlərə Azərbaycan Dövlət Gömrük Komitəsinin sədri Aydın Əliyev bildirib.
"DGK-nin yerinə yetirməli olduğu bütün təşkilati işlər artıq başa çatıb. Heydər Əliyev Beynəlxalq Aeroportunun zalından bütün rentgen aparatları yığışdırılıb. Lakin bu o demək deyil ki, gömrük nəzarəti həyata keçirilməyəcək. Belə ki, aeroportda sərnişinlərin elektron bəyan edilməsi xidməti işləyir. Turistlər öz ölkələrində olarkən həmin elektron bəyannamələri doldura bilərlər", - Əliyev deyib.