Azərbaycan, Bakı, 5 iyul /Trend, müxbir A.Axundov/
Azərbaycanda yeganə təkrar sığorta şirkəti olan AzRe beynəlxalq reytinqlər almaq niyyətindədir. Bu barədə cümə axşamı Trend-ə şirkətin idarə heyətinin sədri Vüsal Abbasov bildirib.
"Hazırda şirkət beynəlxalq reytinq agentliklərindən reytinqlər almağı planlaşdırır. Danışıqlar hələ başlamayıb. Biz hazırda zəruri daxili prosedurları yerinə yetiririk", - Abbasov deyib.
Onun sözlərinə görə, şirkət hələlik A.M.Best-dən reytinq almağı nəzərdə tutur.
"Xarici bazarların çoxu reytinqin mövcudluğunu tələb edir. Reytinqin əldə edilməsi bizə bir çox bazarları açacaq", - Abbasov qeyd edib.
Onun sözlərinə görə, şirkət reytinqi gələn il almağı planlaşdırır.
