Azərbaycan, Bakı, 31 avqust /Trend, müxbir A.Axundov/
Azərbaycan-Türkiyə sığorta şirkəti "Başak İnam Sığorta" ilin sonunadək regionlarda nümayəndəliklərinin sayını 10-dək çatdırmağı planlaşdırır. Bu barədə cümə günü Trend-ə şirkətin Biznesin inkişafı departamentin direktoru Hikmət Allahverdi bildirib.
"Hazırda şirkətin altı rayonda - Beyləqan, Gəncə, Zaqatala, Sumqayıt, Quba və Masallıda nümayəndəlikləri fəaliyyət göstərir. İndi digər regionların potensialını öyrənirik, ilin sonunadək daha 3-4 rayonda nümayəndəlik açmaq istəyirik", - Allahverdi deyib.
Onun sözlərinə görə, bu, şirkətin İcbari Sığorta Bürosuna üzv olmaq və icbari sığorta növləri üzrə fəaliyyət göstərməyə icazə almaq niyyəti ilə bağlıdır.
