...

Azərbaycanda xarici kapitalın sığorta bazarında iştirakı ilə bağlı məhdudiyyət aradan qaldırıla bilər

Biznes və iqtisadiyyat xəbərləri Materials 31 Yanvar 2013 20:16 (UTC +04:00)

Azərbaycan, Bakı, 31 yanvar /Trend, müxbir A.Axundov/

Azərbaycanda yerlı sığorta şirkətlərinin nizamnamə kapitallarının ümumi həcmində xarici şirkətlərin payına düşən 30 faizlik limit aradan qaldırıla bilər. Bu barədə cümə axşamı Trend-ə Maliyyə Nazirliyi yanında Dövlət Sığorta Nəzarət Xidmətinin sədri Namiq Xəlilov deyib.

"Hazırda bu məhdudiyyət heç cür maneə törətmir. İndi xarici kapitalın iştirakı heç 10 faizə çatmır. Buna baxmayaraq, gələcəkdə bu plankanı əvvəlcə artırmaq, sonra isə xarici şirkətlərin kapitalının yerli sığorta bazarında iştirakı ilə bağlı məhdudiyyəti ümumiyyətlə aradan qaldırmaq planlaşdırılır", - Xəlilov qeyd edib.

Xatırladaq ki, mövcud məhdudiyyət 2008-ci il noyabrında Maliyyə Nazirliyinin qəbul etdiyi qərarla təyin edilmişdi.

Məqalədə:
Xəbər lenti

Xəbər lenti