Azərbaycan, Bakı, 23 may /Trend, müxbir A.Axundov/
Azərbaycanda kənd təsərrüfatının maliyyələşdirilməsi üzrə yeni sistemin yaradılması mexanizminin seçilməsi üzərində iş aparılır. Trend-in məlumatına görə, bu barədə cümə axşamı jurnalistlərə Azərbaycan Mərkəzi Bankının (AMB) İdarə heyətinin sədri Elman Rüstəmov deyib.
Rüstəmov bildirib ki, kənd təsərrüfatı ölkə iqtisadiyyatının vacib sahələrindən biridir: "Bu sahənin böyük ixracat potensialı var və bu potensialı üzə çıxartmaq üçün kənd yerlərində fermerlərin maliyyələşdirilməsi sisteminin yaradılmasına ehtiyac var. Bunun ixtisaslaşmış bank, yaxud mövcud bank sistemindən istifadə və ya dövlət və bank sektorunun tərəfdaşlığı olacağı məsələsi hələ də açıqdır".
