...

Azərbaycanda tikinti işlərinin həcmi il ərzində təxminən 13 faiz artıb

Biznes və iqtisadiyyat xəbərləri Materials 16 Sentyabr 2013 13:36 (UTC +04:00)

Azərbaycan, Bakı, 16 sentyabr /Trend, müxbir A.Axundov/

2013-cü ilin yanvar-avqust aylarında Azərbaycanda inşaat işlərinin həcmi ötən ilin analoji dövrü ilə müqayisədə 12,8 faiz artaraq 4,96 milyard manat təşkil edib. Trend-in məlumatına görə, bu barədə Dövlət Statistika Komitəsinin hesabatında deyilir.

Görülmüş tikinti işlərinin ümumi həcmindən 67,5 faiz yeni tikinti, yenidənqurma və genişləndirmə, 17,6 faizi əsaslı təmir, 2,6 faizi cari təmir, 12,3 faizi isə digər tikinti işlərinin payına düşüb.
Tikinti işlərinin 79 faizi özəl tikinti müəssisələri tərəfindən həyata keçirilib.

2013-cü ilin yanvar-iyul aylarında Azərbaycanın inşaat bölməsinə 98,6 min nəfər cəlb edilib, tikinti sektorunda nominal əməkhaqqı 609,5 manat təşkil edib ki, bu da ötən ilin müvafiq dövrünə nisbətən 7,3 faiz çoxdur.

Bununla belə, dövlət şirkətlərində orta aylıq əməkhaqqı 491,5 manat (il ərzində 8,7 faiz artım), özəl şirkətlərdə isə 665,3 manat (3,2 faiz atıb) təşkil edib.

Binaların tikintisi sahəsində əməkhaqqının səviyyəsi il ərzində 1,1 faiz artaraq orta hesabla 557,9 manat, ixtisaslaşdırılmış tikinti işlərində 3,9 faiz artımla 741,3 manat, mülki təyinatlı inşaat işlərində isə 42,3 faiz artaraq 584,5 manat olub.

Məqalədə:
Xəbər lenti

Xəbər lenti