Azərbaycan, Bakı, 18 sentyabr /Trend, müxbir E.İsmayılov/
"Azərbaycan Hava Yolları" QSC (AZAL) 2003-2013-cü illərdə Avropa və ABŞ istehsalı olan 31 təyyarə alıb. Bu barədə çərşənbə günü Trend-ə QSC-dən bildiriblər.
QSC-dən deyiblər ki, bu dövr ərzində AZAL 17 vertolyot da əldə edib.
Ötən il AZAL 1,57 milyon sərnişin daşıyıb ki, bu da 2003-cü ilin göstəricisindən 2,3 dəfə çoxdur. Cari ilin ötən dövrü ərzində QSC tərəfindən 690,2 min sərnişin daşınıb.
2003-cü ildən bu günədək Azərbaycanda 6 hava limanı tikilib və bərpa edilib. Bunlar "Naxçıvan", "Gəncə", "Zaqatala", "Lənkəran", "Qəbələ" və "Yevlax" aeroportlarıdır.
