Azərbaycan, Bakı, 8 mart /Trend, müxbir A.Axundov/
1991-ci ildə Avropa Yenidənqurma və İnkişaf Bankı (AYİB) ilə əməkdaşlığa başlayandan 2014-cü il yanvarın 1-dək Azərbaycan bankla 1229,45 milyon dollar həcmində 9 kredit sazişi imzalayıb.
Trend-in məlumatına görə, barədə Azərbaycan hökumətinin Milli Məclisə təqdim etdiyi 2013-cü ilin yekunlarına dair hesabatda deyilir.
AYİB-in kreditləri 9 layihə çərçivəsində cəlb edilib ki, onlardan səkkizinin reallaşdırılması artıq başa çatıb.
2014-cü il yanvarın 1-dək 479 milyon dollar və ya bank tərəfindən verilən bütün vəsaitlərin 39 faizindən istifadə olunub. Banka olan borcun ödənişi qrafikə uyğun gedir və Azərbaycan öz əsas borcunun 267 milyon dollarını artıq qaytarıb.
2013-cü ildə Azərbaycana bankın müxtəlif missiyaları səfərlər edib və ölkə ilə nəqliyyat, maliyyə, bank, energetika və ekologiya sahələrində əməkdaşlığın perspektivlərini müzakirə ediblər.
