Azərbaycan, Bakı, 17 aprel /Trend, müxbir E.Əliyev/
2014-cü ilin yanvar-mart aylarında Azərbaycan ərazisindən nəqliyyat vasitələri ilə 8,7 milyon tondan artıq yük daşınıb ki, bu da ötən ilin analoji dövr göstəricisindən 12,13 faiz azdır. Trend-in məlumatına görə, bu barədə Dövlət Gömrük Komitəsinin (DGK) hesabatında deyilir.
Bu dövr ərzində yüklərin ixracı 6,89 milyon ton, idxalı isə 1,81 milyon ton təşkil edib.
Yanvar-mart ayları ərzində dəniz nəqliyyatı ilə 32,77 min ton, dəmiryolla 616,1 min ton, avtomobil nəqliyyatı ilə 118,23 min ton, hava nəqliyyatı ilə 1,04 min ton yük ixrac edilib, stasionar nəqliyyat vasitələri ilə daşımalar isə 6,13 milyon ton olub.
Ölkəyə dəniz nəqliyyatı ilə 394,13 min ton, dəmiryolla 1,01 milyon ton, avtomobil nəqliyyatı ilə 389,73 milyon ton, hava nəqliyyatı ilə 2,36 ton yük gətirilib.
