...

Gömrük Komitəsi ixrac rüsumlarının tətbiqini nəzərdən keçirmir

Biznes və iqtisadiyyat xəbərləri Materials 10 İyun 2014 18:35 (UTC +04:00)

Azərbaycan, Bakı, 10 iyun /Trend, müxbir E.Əliyev/

Dövlət Gömrük Komitəsi ixrac rüsumlarının tətbiqi imkanlarını nəzərdən keçirmir. Bunu çərşənbə axşamı Trend-ə Dövlət Gömrük Komitəsinin Maliyyə-Tarif və Valyuta Nəzarəti Baş İdarəsinin rəisi, general-mayor Mirqasım Vahabov deyib.

Onun sözlərinə görə, bu baş verməyəcək: "Biz ixracın stimullaşdırılmasında maraqlıyıq, belə siyasət 10 ildən çoxdur aparılır və davam etdiriləcək. Azərbaycan istehsalçıları məhsullarının yeni satış bazarlarına çıxarılmasına maraq göstərirlər. Təbii ki, daxili tələbatı qarşılamaq şərti ilə".

M.Vahabov qeyd edib ki, ixracın inkişafına digər tədbirlər hesabına da nail oluna bilər: "Digər xərclərə, xüsusilə də nəqliyyat xərclərinə diqqət yetirmək lazımdır. Yük daşıyıcılarının stimullaşdırılması və yerli nəqliyyat şirkətlərinə əlavə diqqət mövcud xərcləri xeyli azaltmağa imkan verəcək və Azərbaycan məhsullarını daha da rəqabətə davamlı edəcək".

Qeyd edək ki, ölkədə maksimum idxal gömrük rüsumu 15 faizdir.

Məqalədə:
Xəbər lenti

Xəbər lenti