...

Azərbaycanda elektron ipotekanın işə salınma tarixi dəyişdirildi

Biznes və iqtisadiyyat xəbərləri Materials 24 İyul 2014 16:32

Trend-i buradan izləyin

Azərbaycan, Bakı, 24 iyul /Trend, müxbir Zülfiyyə Qurbanova/

Bu il iyulun 1-də işə salınması planlaşdırılan "Elektron ipoteka" payızda işə salınacaq. Bu barədə cümə axşamı Trend-ə ölkənin bank bazarındakı mənbə məlumat verib.

Onun sözlərinə görə, hazırda ölkənin Mərkəzi Bankı yanında Azərbaycan İpoteka Fondu (AİF) tərəfindən tətbiq edilən "Elektron ipoteka" pilot layihəsinin reallaşdırılması davam edir və layihəyə ölkənin bir neçə bankı cəlb edilib.

Mənbə qeyd edib ki, hazırda layihə sınaq mərhələsindədir, ona görə də İpoteka Fondu onun işə salınacağı müddəti dəyişdirib: "Elektron ipoteka"nın senytabrda tam şəkildə fəaliyyətə başlayacağı gözlənilir".

Bazar iştirakçılarının fikrincə, elektron ipotekanın tətbiqi AİF-in müvəkkil təşkilatlarının sayının artmasına kömək edəcək, bundan başqa, ipoteka kreditlərinin verilməsi sahəsində operativliyi yüksəldəcək, eləcə də ölkənin regionlarında ipotekaya çıxışı genişləndirəcək.

Hazırda yalnız ipoteka kreditlərinin elektron dövriyyəsi deyil, həm də ipoteka müqavilələrinin elektron formada (bəzi hallarda isə ipoteka kreditləri) mövcudluğu ümumdünya tendensiyasıdır. O cümlədən, belə imkan Amerika Birləşmiş Ştatlarında, İsveçdə, Böyük Britaniyada da mövcuddur. İpoteka krediti üzrə daha mühüm sənədlər yaradılır, imzalanır, ötürülür və qorunub saxlanılır ki, bunun üçün ölkədə elektron imzaların olması vacibdir.

Bazar iştirakçıları hesab edirlər ki, hökumətin başlıca vəzifəsi bazarın sürətlə artdığı Azərbaycan regionlarında mənzil problemlərinin həllinin operativliyini təmin etməkdir. Elektron ipoteka kreditlərinin verilməsi prosesi, öz növbəsində, bankların regional filiallarının fəaliyyətinin aktivləşməsinə, onların sayının artımına, bina tikənlərin gəlirlərinin artımına imkan yaradır.

2014-cü ilin birinci rübündə AİF xətti ilə 25,85 milyon manat məbləğində kredit verilib ki, bu da mənzil maliyyələşdirməsinin ümumi həcmini 456,75 milyon manatadək artırıb.

Məqalədə:
Xəbər lenti

Xəbər lenti