Azərbaycan, Bakı, 7 avqust /Trend/
"Media Consulting and Services" (MC&S) şirkətinin hazırladığı reytinq cədvəlində Azərbaycan Beynəlxalq Bankı (ABB) 2014-cü ilin iyul ayında KİV-də yerləşdirilən məlumatların sayına görə yenə liderdir.
Cümə axşamı bankdan Trend-ə daxil olan məlumata görə, MC&S reytinqinə əsasən, ölkənin kütləvi informasiya vasitələrində iyul ayında ABB barədə 334 məlumat gedib ki, bunun da 291 onlayn KİV, digərləri qəzet, radio və televiziyanın payına düşür.
MC&S mütəmadi olaraq 160 adda kütləvi informasiya vasitələrini izləyir, iqtisadiyyatın 20 sektoru üzrə monitorinq keçirir.