...

Dünya Bankı Azərbaycanda iqtisadi artım proqnozunu yaxşılaşdırıb (YENİLƏNİB)

Biznes və iqtisadiyyat xəbərləri Materials 5 Aprel 2019 14:05 (UTC +04:00)
Dünya Bankı Azərbaycanda iqtisadi artım proqnozunu yaxşılaşdırıb.
Dünya Bankı Azərbaycanda iqtisadi artım proqnozunu yaxşılaşdırıb (YENİLƏNİB)

İlk xəbər saat 11:28-də yayılıb

Bakı. Azad Həsənli - Trend:

Dünya Bankı Azərbaycan iqtisadiyyatının 2020-ci ildə 3,5 faiz, 2021-ci ildə isə 3,7 faiz artacağını gözləyir.

Trend-in məlumatına görə, bu barədə bankın Avropa və Mərkəzi Asiya üzrə yenilənmiş hesabatında qeyd olunur.

Bundan əvvəlki hesabatla müqayisədə Azərbaycan iqtisadiyyatının artımı üzrə proqnoz müvafiq olaraq 0,2 faiz və 1 faiz bəndi yüksəlib.

Hesabatda bildirilir ki, 2018-ci ildə Azərbaycan iqtisadiyyatı orta sürətlə artıb, buna sabit neft hasilatı və daxili tələbata orta artım imkan verib. Nəticədə ötən il real ÜDM 1,4 faiz artıb. Neftdən gəlirlər əhəmiyyətli dərəcədə çoxaldıqca fiskal xərclər və real əməkhaqqı da artıb.

Təbii qaz ixracının artması halında ortamüddətli perspektivdə iqtisadi artımın sürətlənəcəyi proqnozlaşdırılır.

Ötən il qeyri-enerji sektoruna investisiyalar 22 faiz yüksəlib.

Hesabata əsasən, ölkənin beynəlxalq ehtiyatları 5,6 milyard dollaradək artıb. Azərbaycan Dövlət Neft Fondunun aktivləri 38,5 milyard dollara çatıb ki, bu da ÜDM-in 82 faizini təşkil edir.

Məqalədə:
Xəbər lenti

Xəbər lenti