NZS pivəsi artıq şüşə qablarda (FOTO)
Bakı. Trend:
NZS adı ilə ölkədə tanınmış pivə zavodu, uzun illərdir həyata keçirdiyi çəlləklərlə pivə satışından sonra bazarın tələblərini nəzərə alaraq, yeniliyə imza atıb.
Trend-in məlumatına görə, artıq zavod ənənəvi dadı qoruyaraq, şüşə qablarda pivə istehsalına start verib. Bu yaydan etibarən istehlakçılar ölkənin bütün satış məntəqələrində NZS pivəsini daha rahat əldə edə bilərlər.
NZS Pivə Zavodu pasterizə olunmayan pivəni istehsalı üçün yalnız yüksək keyfiyyətli məhsullardan, heç bir boya, konservant və fermentlər əlavə etmədən, bütün real standartlara cavab verən, həmçinin ekoloji cəhətdən təmiz məhsul istehsal edir.
NZS Pivəsi qablaşdırmada yeniliklər etməsinə baxmayaraq istehsal ənənələrini qoruyub saxlamaqdadır. Beləki, istehsala yalnız klassik inqrediyentlər - təbii su, açıq rəngli səməni arpası, maya və mayaotu daxildir. Xammallar isə tanınmış Weyermann və Hopsteiner kimi beynəlxalq şirkətlərindən əldə edilir.
Zavodun yeni şüşə qablarda pivə istehsalı bölməsi, məhşur HEUFT, Europool, TMCI Padovan, KHS kimi şirkətlərin avadanlıqları ilə təchiz olunub.
-->Qeyd edək ki, NZS Pivə Zavodunun əsası 1997-ci Bakı şəhərinin sənaye ərazilərindən biri olan NZS qəsəbəsində qoyulub. Müasir avadanlıqlar və qabaqcıl texnologiyaların tətbiqi ilə yüksək keyfiyyətli məhsullar hazırlanır.
Zavod ölkənin pivəhazırlayan sahəsinin qabaqcıl müəssisələrindən biridir. Şirkətdə daimi dinamika mövcuddur, texnoloji prosesləri təkmilləşdirilir və markaların portfeli genişləndirilir. Eyni zamanda premium və mainstream seqmentində müvəffəqiyyətlə işləyir.
Azəri Firması "Qida Məhsullarının Təhlükəsizliyi Menecmenti Sistemi" standartı olan ISO 22000:2005 tələblərinə cavab verən (CIV Kateqoriyası - Pivə istehsalı və satışı) beynəlxalq sertifikatını alıb. Bununla yanaşı Avropanın ən məşhur tədbirlərindən biri olan ənənəvi Praqa Pivə Festivalında ölkəmizi uğurla təmsil edib. Nəhəng Pivə şirkətlər sırasında "Pivni Pecet" Svetlıy Lezar kateqoriyası üzrə mükafata layiq görülüb.
Qeyd edək ki, ölkəmizdə bu mükafatın ilk və tək sahibi NZS Pivəsidir.
