Azərbaycan rayonlarında "Kənd investisiyaları" layihəsi çərçivəsində 450 yeni infrastrukturun yaradılması planlaşdırılır. Kənd Təsərrüfatı Nazirliyindən Trend ə verilən məlumatda bildirilir ki, bu tədbir ölkənin 21 rayonunda həyata keçiriləcək.
Nazirlikdə onu da bildiriblər ki, layihənin əsas məqsədi rayonlarda əhaliyə ailə təsərrüfatlarının yaradılması və inkişafında, məktəblərin tikintisində, yolların bərpasında və s. yardım göstərilməsi yolu ilə yoxsulluğun səviyyəsinin azaldılmasıdır.
Dünya Bankı "Kənd investisiyaları" layihəsinin reallaşdırılması üçün 15 milyon dollar vəsait ayırıb ki, bu vəsaitin bir hissəsi qrant formasında, digər hissəsi isə güzəştli kreditləşmə üzrə veriləcək.
Hazırda layihə ölkənin bir sıra rayonlarında, eləcə də Muğan-Salyan-Cəlilabad zonasında, Hacıqabul, Kürdəmir, Ucar, Zərdab, Göyçay, Ağdaş, Yevlax, həmçinin Sədərək, Şərur, Şahbuz, Babək, Culfa, Ordubad, Kəngərli rayonlarında işlər aparılacğ Naxçıvan Muxtar Respublikasında həyata keçirilir.
Bundan əlavə, Kənd Təsərrüfatı Nazirliyində bildiriblər ki, yuxarıda göstərilən layihə çərçivəsində 6 pilot layihənin həyata keçirildiyi Muğan-Salyan, Şirvan və Naxçıvan zonalarında ətraf mühitin qiymətləndirilməsi məqsədilə mütəxəssislərin cəlb olunması planlaşdırılır.
Yaxın vaxtlarda yuxarıda göstərilən rayonlarda Yevlaxda və Naxçıvanda (Kəngərli) iki artezian quyusunun qazılmasını, Yevlaxda məktəbin tikintisini, Sabirabad və Naxçıvanda (Culfada) yolların bərpasını nəzərdə tutan pilot layihəsinin ekoloji qiymətləndirilməsi keçiriləcək.
Bu layihənin reallaşdırılması yeni iş yerlərinin açılmasına imkan verəcək. Belə ki, artıq layihə çərçivəsində 1200 adam iş yeri ilə təmin olunub. Onlardan 200-ü mövsümi, digərləri isə daimi iş yerləridir.
