Nəqliyyat nazirinin birinci müavini Musa Pənahovun Trend ə bildirdiyinə görə, Azərbaycan, Gürcüstan və Türkiyə ekspertlərinin Qars-Tbilisi-Bakı (QTB) layihəsi çərçivəsində keçirilən görüşü zamanı layihənin texniki-iqtisadi əsaslandırmasının son variantı müzakirə edilərək, lazımi dəyişikliklər ediləcək. Texniki-iqtisadi əsaslandırmanın QTB layihəsi dövlətləri nəqliyyat nazirlərinin Ankarada keçiriləcək görüşündə qəbul olunması ehtimal olunur. Görüşün keçirilmə tarixi ekspert qruplarının görüşündə müəyyənləşəcək.
Layihənin dəyəri Gürcüstan infrastrukturunun genişləndirilməsindən asılı olaraq iki variantda qiymətləndirilir - $365 mln. və $420 mln. Hazırda 2-ci varianta üstünlük verilir. Qalan texniki məsələlər daşınma həcmi artdıqca həll olunacaq.
