Avqust ayında kənd təsərrüfatı məhsullarının istehsal qiyməti əvvəlki ayla müqayisədə 0,3% ucuzlaşıb, 2005-ci ilin dekabr ayına nisbətən isə 10,2% bahalaşıb.
Trend in Dövlət Statistika Komitəsinə istinadən xəbər verdiyi kimi, iyul ayı ilə müqayisədə bitkiçilik məhsullarının qiymət indeksi avqustda 100,6% təşkil edib. Bu dövr ərzində tərəvəz və bostan məhsullarının istehsal qiyməti 1,2%, dənli bitkilərin qiyməti isə 0,9% azalıb.
Heyvandarlıq məhsulları üzrə qiymət indeksi əvvəlki ayla müqayisədə 98,6% təşkil edib. Qaramal və onun məhsulunun qiyməti 2,7% ucuzlaşıb, diri quş və yumurtanın qiyməti isə 0,2% artıb. Meşə təsərrüfatı məhsullarının qiyməti 1,1% bahalaşıb, balıqçılıq təsərrüfatı məhsullarının qiyməti isə sabit qalıb
