Bu gün TRARESA nəqliyyat dəhlizi iştirakçıları sırasından olan demək olar ki, bütün ölkələr bu təşkilatın hökümətlərarası işinin maliyyələşdirilməsi üçün öz payını ödəyib, bu barədə "trend"ə TRARESA-nın azərbaycandan olan milli katibi Akif Mustafayev xəbər verib.
Maliyyələşdirmə üçün Ukrayna və Ermənistanın qismən borcları qalıb. Ödəməni başlamayan yeganə ölkə Özbəkistandır.
Hökümətlərarası Katibliyin (HK) İllik maliyyələşməsi 600 min avro məbləğində qiymətləndirilir. 2005-ci ilədək bu vəsaitlər Avropa komissiyası tərəfindən verilib. 2005-ci ildə bu məqsədlə iştirakçı ölkələr 7 min avro qədərində vəsait qoydular, qalan hissəni isə Avropa komissiyası maliyyələşdirib. 2006-cı ildən HK-in maliyyələşdirilməsi bütövlükdə iştirakçı ölkələr tərəfindən həyata keçiriləcək. Hər ölkə 50 min avro ödəməlidir. Tacikistan və Qırğızıstanın yerinə vəsaiti Avropa komissiyası təqdim edib. əgər Əfqanıstanın nəqliyyat dəhlizinə qoşulması bu il təsdiqlənsə, bu ölkənin də payını Avropa komissiyası ödəməlidir. Bu il Avropa Komissiyasının TRARESA nəqliyyat dəhlizi çərçivəsində 13,5 mln avro msəbləğində layihələri maliyyələşdirəcəyi nəzərdə tutulur. Nəqliyyat dəhlizinin bütün işi boyunca Avropa Komissiyası layihəldərin maliyyələşdirilməsi kimi 160mln avro ödəyib ki, onun 16 mln. avrosu Azərbaycanın payına düşür.
