2006-cı ildə Azərbaycan ticarət şəbəkələri tərəfindən əhaliyə ümumi dəyəri 5,8 mlrd. manat olan istehlak malları satılıb ki, bu da 2005-ci il göstəricisi ilə müqayisədə 13,5% çoxdur. Dövlət Statistika Komitəsinə istinadən Trend xəbər verir ki, ümumi malların 17,4%-i hüquqi şəxslər tərəfindən realizə edilib, 82,6% isə xüsusi sahibkarların payına düşüb.
Mal dövriyyəsinin ümumi həcmindən 3,8 mlrd. manat istelak mallarının, 2 mlrd. manat isə qeyri-istehlak mallarının payını duşub. Hər iki mal üzrə satış artımı 2005-ci illə müqayisədə müvafiq olaraq 10,1% və 20,9% olub.
Bu dövr ərzində əhaliyə 1,4 mlrd. manat məbləğində pulu xidmət göstərilib ki, bu da keçən illə müqayisədə 42,1% çoxdur. Bunun 74,7%-i hüquqi şəxslərin, 25,3%-i fiziki şəxslərin payına düşüb, aprtım müvafiq olaraq 45,7% və 32,4% təşkil edib.
