Yanvarın 30-dan DB-nın Cənubi Qafqaz üzrə aparıcı iqtisadçısı Kristian Pitersenin Bakıya səfəri başlayır. Beynəlxalq təşkilatın Bakı nümayəndəliyindən Trend ə bildiriblər ki, səfərin əsas məqsədi Azərbaycanda biznes-mühitin yaxşılaşdırılması ilə bağıl diskusiyalarda, eləcə də layihələrin hazırlanmasında iştirak etməkdir. Səfəri çərçivəsində ticarət və dəmir yolu tranzitinə dəstək layihəsinin hazırlanması üzrə işlərin aparılması da gözlənilir.
K.Pitersen həmçinin ümumi məsələlərlə əlaqədar Azərbaycan hökuməti ilə də diskusiyalar apracaq.
Onun Bakıya son səfəri 2006-cı ilin dekabrında bankın Direktorlar Şursında dekabrın 6-da təsdiq olunmuş yeni əməkdaşlıq strategiyasının (2007-2010-cu illər) təqdim edilməsi ilə əlaqədar olub.
Strategiyanın ümumi dəyəri 1,26 mlrd. dollar həcmində qiymətləndirilir.