Azərbacyan,Bakı/müxbir Trend İ.Xəlilova /Aprelin sonuna qədər Finlyandiyanın "Poyri" şirkəti Azərbaycanda zibil emalı zavodunun tikilməsi layihəsində iştirak etmək arzusunu bildirmiş şirkətlərin təkliflərinin qiymətləndirməsini başa çatdıracaq. Bu barədə bazar ertəsi günü İqtisadi İnkişaf Nazirliyinin texniki yardımın investisiya və koordinasiyası şöbəsinin rəhbəri Əsgər Ələkbərov məlumat verib. İqtisadi İnkişaf Nazirliyi "Poyri" şirkətinə texniki araşıdırmanın aparılmasını sifariş edib.
"Şirkət Yaponiyanın EBARA və Mitsubishi, Avstriyanın EVN və Fransanın CNIM şirkətlərinin qiymətləndirməsini aparır. Hər şirkətin müxtəlif qiymətləndirmə kriteriyaları var, belə ki, onlar texniki şərtlər - tullantıların formaları (bərk və maye) üzrə təkliflərini verib, büdcə layihəsi və zavodun tikintisi də bundan asılıdır", - deyə Ə.Ələsgərov deyib.
Azərbaycan hökuməti 2007-ci ilin yayına qədər ölkədə zibil emalı zavodunun tikintisi ilə bağlı danışıqları başa çatdırmağa və tikinti işlərinə başlamağa ümid edir.
Rəsmi məlumatlara əsasən, Bakı və onun ətrafında hər il 775 min ton məişət tullantısı toplanır.