...

JBIC Bakıda su təchizatı və kanalizasiya layihəsinin genişləndirilməsini müzakirə edəcək

Biznes və iqtisadiyyat xəbərləri Materials 24 Aprel 2007 20:48 (UTC +04:00)

Azərbaycan, Bakı/ Trend müxbir İ.Xəlilova/ Azərbayacanda su təchizatı və kanalizasiya sisteminin yaxşılaşdırılması layihəsi çərçivəsində kiçik şəhərlərin siyahısının artırılması məsələsinə may ayında Yaponiyanın Beynəlxalq Əməkdaşlıq Bankının (JBIC) qiymətləndirmə missiyasının səfəri çərçivəsində baxılacaq. İlkin mərhələdə layihəyə altı rayon - Əli Bayramlı, Neftçala, Şamaxı, Bərdə, Xaçmaz və Salyan daxil edilmişdi.

Tokio Engineering/ASPI Konsorsiumu layihənin pilot qiymətləndirməsini aparıb. Bu araşdırma nəticəsində layihə təqribən 70 mln. dollar dəyərində qiymətləndirilib. JBIC planlarına hələ layihənin baş detallaşdırılması da daxildir, bu da yəqin ki, yeni rayonların qoşulması ilə aparılacanq. Bunun üçün tenderə yeni konsaltinq şirkətləri cəlb olunacaq. İlkin qiymətləndirmə bank üçün riskləri nəzərə almaq, bununla bağlı investisiyalar və tələb olunan kapital xərclərini hesablamaq üçün tələb olunur.

Hələ layihənin ilkin mərhələsində hökumət JBIC-dən layihəni bir az da genişləndirməyi istəsə də, bank bundan imtina etmişdi. Belə olduqda hökumət xərclərin 150 mln. dollarını üzərinə götürməyə hazır olduğunu bildirmişdi.

Xəbər lenti

Xəbər lenti