Azərbaycan,Bakı/müxbir Trend İ.Xəlilova/Rusiyanın Azərbaycandakı Ticarət Nümayəndəliyi 2007-ci ildə "Krasnoye Sormovo" gəmiqayırma zavodu və Azərbaycanın Xəzər Dövlət Dəniz Gəmiçiliyi arasında əməkdaşlığın bərpa olunmasına nikbin baxır. Çərşənbə günü Ticarət Nümayəndəliyinin rəhbəri Yuri Şedrinin verdiyi məlumata əsasən, Azərbaycanın Xəzər infrastrukturunun təkmilləşdirməyə ehtiyacı var və Xəzər Dəniz Gəmiçiliyi əlavə olaraq 11 tanker, 10 yükdaşıyan və 6 bərənin almasını planlaşdırır.
"Fikirləşirəm ki, "Krasnoye Sormovo"nun hazırki prosesdə son rolu olmayacaq. Belə ki, bu müəssisə "çay-dəniz" tipli gəmilərin tikintisi üzrə ixtisaslaşıb", deyə ticarət nümayəndəsi bildirib.
Rusiya müəssisəsi və Xəzər Dəniz Gəmiçiliyi ilə əvvəlki müqavilənin 2006-cı ildə müddəti başa çatıb. Bu müqavilə çərçivəsində Azərbaycan üçün səkkiz gəmi tikilib. "Layihənin prolonqasiyasının olmaması "Krasnoye Sormovo"nun əsaslandırılmamış hərəkətləri ilə izah olunub. O, bir gəminin qiymətini 12 mln. dollardan 20 mln. dollaradək artırıb, bu da Azərbaycanı ehtiyatlanmağa vadar edib. Lakin son hadisələr əməkdaşlığın davam etdirilməsini nikbinliklə güman etməyə əsas verir", deyə Y.Şedrin bildirib.