...

KfW Azərbaycanda daşınmaz əmlakın qeydiyyata alınması üzrə layihənin maliyyələşdirilməsini artıra bilər

Biznes və iqtisadiyyat xəbərləri Materials 22 May 2007 19:03 (UTC +04:00)

Azərbaycan,Bakı/müxbir Trend İ.Xəlilova/ Almaniyanın KfW inkişaf bankı Dünya Bankının analoji layihəsinə əlavə olaraq daşınmaz əmlakın qeydiyyatı üzrə vahid sistemin inkişafı proqramı çərçivəsində layihə hazırlayacaq. Bu barədə KfW bankının Bakı ofisinin rəhbəri Natiq Abdullayev məlumat verib.

Onun sözlərinə görə, KfW Gəncə, yaxud Şəkidə və ya hər iki şəhərdə daşınmaz əmlakın vahid qeydiyyat sistemini yaratmağı planlaşdırır.

Bu məsələ Azərbaycan hökuməti, DB və Almaniya hökuməti ilə danışıqlar zamanı dəqiqləşdiriləcək. Yaxın zamanlarda KfW Azərbaycana layihə komponentlərinin müəyyənləşdirilməsi üzrə DB ilə iş aparmaq üçün məsləhətçi göndərəcək.

"O, birgə fəaliyyət üçün lazımi iş həcmləri və istiqamətləri müəyyən etmək məqsədilə DB ilə ümumi təmas nöqtələri axtaracaq. Maliyyələşdirilmə həcminin də artırılması imkanları istisna olunmur", deyə Abdullayev bildirib.

KfW ilkin olaraq güzəştli kredit kadastrının yaradılması layihəsinə 2,5 mln. avro və benefisiarın institusionallaşdırılmasına 1 mln. avro qrant ayrmağa hazır olduğunu bildirib.

Azərbaycanda daşınmaz əmlakın qeydiyyatı üzrə DB-nin layihəsinin dəyəri 38,57 mln. dollar təşkil edir, bunun da 30 mln. dolları bankın kredit payına düşür.

Respublika üzrə torpaq kadastrının yaradılması prosesini 5 il ərzində başa çatdırmaq mümkün olacaq. Proqramın reallaşdırılması nəticəsində bütün obyektlər xəritəyə salınacaq, real vaxt rejimində idarə olunması üçün peyk sistemi yaradılacaq.

Bu vaxta qədər Yaponiyanın 3,2 mln. dollar qrantı hesabına 50 min sahənin göstərildiyi rəqəmsal xəritə yaradılıb.

Xəbər lenti

Xəbər lenti