Azərbaycan, Bakı, 13 may / Trend , S.Babayeva / Yanvar-aprel aylarında "Azneftkimyamash" ASC məhsul istehsalını 31,8 faiz artırıb, bu haqda ASC-nin baş iqtisadçısı Nəriman Böyükkişi çərşənbə axşamı bildirib.
"Artım istehsalın güclənməsi hesabına mümkün olub", - iqtisadçı əlavə edib.
Onun sözləri görə, dörd ay ərzində 11,6 mln. manatlıq neft-mədən və geoloji-kəşfiyyat avadınlıqları, onlara əlavə əlatlər və ehtiyat hissələri istehsal olunub. 10 mln. Manat dəyərində məhsul reallaşdırılıb, bu isə 2007-ci il analoji dövr göstəricisi ilə müqayisədə 35 faiz çoxdur.
Bu dövr ərzində Zabrat Maşınqayırma Zavodu 1,9 mln. manatlıq, Suraxanı Maşınqayırma Zavodu - 1,6 mln. manatlıq, "Bakı fəhləsi" zavodu - 1,4 mln. manatlıq, Sabuncu EİB - 1mln. manatlıq, Bakı Neft Mədən Maşınqayırma Zavodu - 1,2 mln. manatlıq, Sərdərov adına zavod - 1mln. manatlıq, Bakı Maşınqayırma Zavodu - 820 min manatlıq, Səttərxan adına zavod - 750 min manatlıq məhsul istehsal edib.
Təşkilat 2008-ci il üçün 33,5 mln. manatlıq istehsal proqnozlaşdırır.
"Azneftkimyamash" ASC "Azneftkimyamash" DŞ bazasında Respublika prezidentinin 22 mart 2001-ci il tarixli sərəncamı ilə yaradılıb. ASC 14 maşınqayırma zavodu, 4 elmi-tədqiqat və layihə-konstruktor institutlarından ibarətdir.
