...

SOCAR Xəzər Dənizinin türkmən sektorunda geofiziki işlərin görülməsinə hazırlaşır

Energetika Materials 27 Sentyabr 2008 17:12 (UTC +04:00)

Azərbaycan, Bakı, 27 sentyabr/ Trend / SOCAR - ın Xəzər Dəniz Neft Donanmasına məxsus "Zöhrab Vəliyev" geoloji-mühəndis gəmisi Xəzərin türkmən sektorunda yerləşən "Livanov bankası"yatağında geoloji işlər aparacaq, - şənbə günü SOCAR-ın yaydığı məlumatda deyilir.

"Livanov bankası"yatağı 1972 - ci ildə Azərbaycan neftçiləri tərəfindən kəşf edilib. Orada dərin sulu platformanın quraşdırılması, boru kəmərləri və digər iri dəniz obyektlərinin tikintisi üçün strateji zondlu və torpağın dözümlülüyü üzrə tədqiqat aparılması planlaşdırılıb.

Gəmi artıq Türkmənistan ərazisindədir və hazırda tədqiqat işlərinin başlanılması üzrə hazırlıq görülür. "Zöhrab Vəliyev"gəmisi bu il ərzində atıq ikinci dəfədir ki, Türkmənistan ərazisində işləri həyata keçirir.

"Zöhrab Vəliyev"gəmisi 1985 - ci ildə istismara verilib. O, muxtar şəkildə ağır hidrogeoloji şəraitdə 32 gün işləyə bilər. Hidrogeoloji işlərin aparılması üçün gəmidə suyun 150 metrlik dərinliyində qazma işlərini həyata keçirə bilən qazma dəzgahı quraşdırılıb.  

Cari ildə gəmi təmir olunub, onda Amerika və Hollandiya istehsalı olan yeni geofiziki, geoloji və naviqasiya avadanlığı quraşdırılıb.

Xəbər lenti

Xəbər lenti