Azərbaycan, Bakı, 01 dekabr/ Trend / Lancer Environmental Consulting şirkəti "Suraxanı Oyl" əməliyyat şirkətinin mədən sahələrində aparılmış ekoloji tədqiqatın nəticələri üzrə təkliflər və hesabat təqdim edib, - Ekol Muhendislik Xidmetleri QSC-nin bazar ertəsi yayılmış məlumatında bildirilir.
Şirkət lay, məişət - təsərrüfat və istehsalat sularının yığılmasının qurudulması, torpaqların istehsal tullantılarından təmizlənməsi variantlarını təklif edib. Həmçinin, lay sularının yığılması üsullarına, onların təmizlənməsi və utilizasiyasına diqqət ayrılıb.
Abşeron yarımadasında mövcud ekoloji problemlərin həlli üçün 2006-cı il martın 1-də yaradılmış Ekol Muhendislik Xidmetleri QSC-nin həmtəsisçiləri SOCAR şirkəti (Azərbaycanın Dövlət Neft Şirkəti) - 51 faiz və Lancer S.A. Services şirkətidir - 49 faiz, - SOCAR-ın rəsmi İnternet saytında bildirilir.