Azərbaycan, Bakı, 21 dekabr / Trend , müxbir E.İsmayılov/
Azərbaycanın Gürcüstandakı Kulevi Qara Dəniz Neft Terminalı neft yüklərinin yüklənməsi üçün ərizələrin daxil olmasını gözləyir, terminalın sahibi olan ARDNŞ-dakı mənbə bazar ertəsi deyib.
Mənbənin sözlərinə görə, potensial müştərilərə ərizələrin təqdim edilməsi üçün artıq xəbərdarlıq göndərilib. "Yükləmə üzrə dəqiq proqnozlar barədə yanvar-fevral aylarında, müqavilələrin imzalanmasından sonra danışmaq olar", - deyə mənbə əlavə edib.
Bu il terminal vasitəsilə neft yüklərinin yüklənmə həcmi 2 milyon tonu keçir, "lakin dəqiq rəqəmlər haqda yalnız ilin yekunları üzrə danışmaq olar", - mənbə deyib.
Əvvəllər ARDNŞ-dakı digər mənbə deyib ki, 2008-ci ildə ARDNŞ-in Kulevidəki terminalı vasitəsilə 1,5 milyon tona yaxın neft yükü yüklənib.
ARDNŞ-dəki başqa bir mənbədən daha əvvəllər bildirilmişdi ki, 2008-ci ildə terminaldan 1,5 milyon tona yaxın neft-maye yükləri yüklənib-boşaldılıb.
Kulevidəki terminal ötən ilin may ayından istismara verilib, neft məhsullarının faktiki yüklənməsinə isə iyundan başlanılıb.
Kulevidəki neft terminalı öz işinə ötən ilin yayında başlayıb. Terminalın yükboşaltmasının ümumi gücü üç milyon ton neft, üç milyon ton dizel yanacağı, dörd milyon ton mazut daxil olmaqla ildə 10 milyon ton neft-maye yükü təşkil edir. O, eyni vaxtda 168-dək vaqon sistern qəbul edə bilər. Rezervuar parkının ümumi həcmi 320 min kubmetr təşkil edir. İki il ərzində terminalın buraxma gücünün 15-20 milyon tona kimi artırılması planlaşdırılır.