Azərbaycan, Bakı, 19 yanvar /Trend/
ARDNŞ-nin Kulevi neft terminalı dəmiryol və Kulevi limanının sahil zonası yaxınlığında Rioni çayının sahilinin bərkidilməsi çərçivəsində işlər aparır. Bu barədə çərşənbə günü terminalın rəsmi internet saytında yerləşdirilən məlumatda deyilir.
Sahilbərkitmə işləri terminalın vacib vəzifələrindən biridir.
Limanda dənzi sahilinin bərkidilməsi üçün terminal liman su texniki qurğularının fırtına dalğalarından qorunması üçün nəzərdə tutulan tetrapodlardan istifadə edir.
Rioni çayının sahilini bərkitmək üçün dəmiryol yaxınlığında terminal bazalt daşlar kimi qoruyucu materiallardan istifadə edir. İndi bu istiqamətdə layihə işləri aparılır. Onların başa çatması 2011-ci ilin yayına planlaşdırılıb.