...

ARDNŞ Xəzərdə yeni üzən qazma qurğusunun tikintisinə başlayır

Energetika Materials 13 Noyabr 2012 20:15

Trend-i buradan izləyin

Azərbaycan, Bakı, 13 noyabr /Trend, müxbir E.İsmayılov/

Azərbaycan Respublikası Dövlət Neft Şirkəti (ARDNŞ) gələn ilin əvvəlindən Xəzərdə yeni üzən qazma qurğusunun tikintisinə başlayacaq. Bu barədə çərşənbə axşamı Trend-ə neft-qaz bazarındakı mənbə bildirib.

ARDNŞ adından tikintinin sifarişçisi qismində "Caspian Drilling Company Ltd" (CDC) çıxış edəcək. ARDNŞ bu şirkətdə 92,44 faiz pay sahibidir.

Mənbənin sözlərinə görə, hazırda podratçılarla müqavilələrin imzalanması çərçivəsində tamamlanma və dəqiqləşdirmə işləri aparılır.

Tikinti işlərinin yekunlaşması müddətinə toxunan mənbə qeyd edib ki, ilk qazma qurğusunun tikintisi təqribən 40 ay vaxt aparacaq. Müvafiq olaraq, tikinti işləri 2015-ci ilin sonu, 2016-cı ilin əvvəlində başa çata bilər.

Mənbənin sözlərinə görə, hazırda bir qurğunun tikintisinə hazırlıq işləri görülür, bununla yanaşı, əlavə qazma qurğularına ehtiyac var. Belə ki, Azərbaycanın mövcud yataqların işlənməsi və yeni yataqların axtarışı üzrə planları var.

Tikinti işlərini "Keppel"in operatorluğu altında "Bos Shelf" və "Caspian Shipyard Company" şirkətləri aparacaq. Yeni qazma qurğularına ehtiyac "Babək" kimi perspektiv strukturlarda quyuların qazılmasına dair planlarla izah edilir. ARDNŞ geoloqlarının fikrincə, "Babək" yatağında qaz ehtiyatı təqribən 400 milyard kubmetr təşkil edə bilər. Qazma qurğuları, həmçinin "Abşeron" yatağında işlərin davam etdirilməsi və "Şahdəniz" yatağının ikinci fazasının həyata keçirilməsi çərçivəsində lazımdır.

Məqalədə:
Xəbər lenti

Xəbər lenti